"A miúdo os desexos tapan a realidade"

A miúdo os meus desexos conseguen tapar por uns momentos a realidade e de novo vénme acompañar, a calquera hora do día. Intercambiamos impresións e opinións sobre calquera tema e todo arredor adopta unha apariencia de normalidade. Podemos seguir así ata dez ou quince minutos, en que volvo lembrar que en realidade ela está morta e eu viva, pero moi soa.

Pola noite abrázame por detrás en posición fetal, e eu sinto a súa respiración pesada e o seu olor corporal. Síntome tan protexida e querida que quedo durmida enseguida. Se se me enfriaron os pés, ela recoméndame sempre que estire as pernas e así circulará mellor o sangue, levando quentura alí onde hai friaxe; se non podo durmir, suxíreme que me quede moi quediña e caladiña, agardando polo sono. Así acordo á mañá seguinte, na mesma posición, e ela está de brincadeira, un pouco antes de se ter que erguer: faime rabiar, porque eu teño moito sono e ningún senso do humor a esas horas da mañá, pero segue, inclemente, a buscarme as cóxegas, e atópaas: ríome a cachón.

Os máis dos días teño que ir soa para a cama, e non consigo durmir coa friaxe dos pés e a ausencia da outra respiración profunda. E síntome tan triste...`

Eramos tan felices naquela miña infancia e na súa maternidade... Ela dicíalle á xente que estábamos "amoradas", que era a miña pobre realización do verbo namorar, e eu miraba ao chan avergoñada pola miña debilidade afectiva. Pero é verdade, estabamos amoradas.

A miúdo os meus desexos tapan a realidade: eu voo ao paraíso e ela volta á terra; e atopámonos a medio camiño.

"Morro polo seu ollar" ( para Mónica)

Vino no medio da estrada, enorme, impoñente. Miraba para min fixamente, con certa familiaridade e mesmo certa mansedume. Esquecín de inmediato o propósito da miña carreira e fiquei paralisada, os seus ollos nos meus. Obediente, avancei cara a el e a súa silueta era meirande a cada paso.

A súa sombra xa me tapaba completamente, e obrouse a maxia.

O cervo desapareceu, esvaíuse sen máis. Non sabería dicir como nin cando, mais xa non estaba.

Aínda non acordara completamente da miña ensoñación cando ao meu carón, pousado no asfalto da estrada, apareceu aquel bebé branquísimo, envolto nunha mantiña.

Era para min, sóubeno de inmediato. Recoñecín un non sei que familiar nos seus ollos, de mirada tranquila e confiada, pero intensa. Abraceino contra o meu peito, moi firmemente, e collín o camiño da casa. Cheguei abafando, coa perpexía de lle amosar o bebé á miña nai. Berrei insistentemente por ela: "mamá!"," mamá!"e apareceu, alertada polo meu ton urxente.

Ficou quieta, mirando longamente a escea, sen atreverse a dar un paso na miña dirección. A súa expresión non era exactamente de estraneza, nin de sorpresa, senón outra distinta: mirábanos coma quen está a ter un "deja vú".

Achegueime eu e amoseille a criatura.

-" Este bebé non é humano, e sabes que non será teu. Medrará e recobrará a súa apariencia orixinal. Déixao onde o atopaches e renuncia a este soño".

As súas palabras bateron en min coma o máis duro dos paus. A espiral en barrena na que se precipitaron os meus pensamentos debeu facer que perdese o sentido. O caso é que cando quixen abrazar máis forte ao meu bebé, atopei só o vacío dos trapos nos que estivera envolto.

De cando en vez, e dende entón, o enorme cervo branco párase no medio da estrada e olla para min brevemente. Logo segue o seu camiño e desaparece. Eu vou todas as tardes agardar por el, e non sempre teño a sorte de atopalo. Morro polo seu ollar e soño que algún día voltarei a sostelo en brazos para abrazalo tenramente.

"Yunus: outra economía é posible"

CAPITALISMO PARA LOS POBRES, SEGÚN YUNUS
Junio-Julio 2008
Cristina Álvarez
A pesar de la crisis alimentaria mundial y del astronómico precio del barril de petróleo, acabar con la miseria es posible. Así de optimista se muestra el economista Mohamed Yunus, conocido como "el banquero de los pobres" y autor de Un mundo sin pobreza (Paidós, Barcelona, 2008), que acaba de publicarse en español.
FP en español: Foreign Policy y Prospect han elaborado la lista 2008 de los 20 intelectuales más importantes del mundo. Usted ha quedado en el puesto número dos (de una lista de cien nombres y con una participación de medio millón de votantes). ¿Conocía su buena clasificación?
Mohamed Yunus: Sí, lo sabía porque salió en los periódicos y cuando lo leí fue una gran sorpresa para mí. Al leerlo nos preguntamos, ¿quién habrá sido el primero?
Cortesía de www.muhammadyunus.org
No más caridad: "No hay ningún principio del capitalismo que diga que los pobres no puedan ser propietarios de una empresa", afirma Yunus.
FP: En su libro asegura que en los próximos años, 500 millones de personas saldrán de la pobreza. En cambio, los últimos datos sobre la crisis alimentaria hablan de que otros 100 millones caerán en ella. ¿Tras lo sucedido los últimos meses, y dados los acontecimientos, cambiaría sus expectativas?
MY: No, todo lo contrario. Lo que hay que hacer es abordar los problemas. Precisamente, la ventaja de los microcréditos es que son mucho más flexibles. Cuando suben los precios, los pequeños negocios de la gente pobre pueden aumentar también los precios de sus productos y no pierden tanto dinero como si, por ejemplo, tuviesen un salario fijo, donde tendrían menos margen. Aunque, por supuesto, las familias pobres son las más perjudicadas. El gran reto debe ser controlar el aumento del precio de los alimentos.
FP: Usted es optimista en cuanto a la consecución de la llamada Declaración del Milenio. ¿De verdad cree que se están cumpliendo los retos previstos?
MY: Antes de la crisis, creo que en el mundo nos estábamos acercando a los objetivos establecidos en la Declaración del Milenio. Por ejemplo, Bangladesh se encontraba en una posición bastante buena para conseguir los ocho objetivos del Milenio: en seis va muy bien y en dos va un poco atrasado, pero en los próximos 5 ó 8 años podría conseguirlo. Hay muchos países asiáticos que van a poder alcanzarlos y que ya se encuentran entre las grandes potencias económicas. El problema es África, donde hay muy pocos Estados que puedan lograrlo. Eso era antes de la crisis. Ahora, probablemente el cálculo sea distinto y el futuro algo más difícil. Lo que tenemos que hacer es buscar programas para superar esta presión y alcanzar de todos modos esos objetivos. Tengo la esperanza de solucionarlo, aunque África va a necesitar un esfuerzo especial.
FP: Uno de los conceptos que le han hecho famoso es el de los microcréditos que concede el banco que usted creó, Grameen Bank. ¿En qué consiste este sistema de ayuda? ¿Sería posible exportarlo a los bancos comerciales?
MY: El sistema de microcréditos consiste en prestar dinero a los más pobres. Están destinados a las personas más desfavorecidas, y se concentran, sobre todo, en las mujeres. Cuentan con una serie de características especiales, como que no se requiere ningún contrato, garantía económica previa del solicitante ni abogados. El objetivo es prestar dinero a familias que lo necesitan para realizar algún tipo de actividad económica que van devolviendo después en pequeñas cantidades cada semana. La razón por la que empezamos con el sistema de microcréditos fue justamente por los bancos comerciales. Toda nuestra intención es convencerles y que hagan lo mismo o que colaboren con fundaciones que trabajan con microcréditos. La mayoría no lo hace, pero algunos ya apoyan la idea.
FP: Usted es crítico con el actual enfoque de la ayuda humanitaria y la cooperación internacional, ya que cree que se apoyan en la caridad y desembolsan miles de millones que no ayudan de manera efectiva. ¿Cuál sería la dirección adecuada?
MY: Las agencias bilaterales de ayuda o el Banco Mundial trabajan con procedimientos a través de los Gobiernos, pero dar dinero de este modo no es un buen sistema. La sociedad civil es mucho más activa, dinámica e innovadora. Aún permanece el modelo de los 60, pero el mundo ha cambiado mucho. Lo que se necesita es un cambio en la metodología para poder trabajar directamente con esa sociedad civil, en el sector privado, en el sector público… Las grandes empresas de los países ricos pueden intentar crear empresas sociales relacionadas con temas como la sanidad, la higiene o la vivienda. Otro de los errores en el enfoque es que muchas veces la pobreza se define por el umbral del dólar diario, si la persona vive con menos de esa cifra, o por la cantidad de calorías que consume cada día. Son definiciones inexactas en las que hay muchas excepciones. Grameen Bank tiene una tabla de diez indicadores que se pueden ver y medir en cada caso. Si la familia vive en una casa que tiene techo, si cuentan con váter y muebles (como una cama), si tienen algún tipo de ahorro para emergencias o si los niños van al colegio. De esos diez puntos, si uno sólo no se cumple se puede considerar que la familia es pobre. Es muy segura y fácil de contrastar, se pueden ver y medir las fuentes de ingresos y todas las dimensiones de la pobreza.
FP: También hace un reparto de las culpabilidades en la situación actual del mundo, y parece que quita algo de responsabilidad a los Estados. ¿No cree que son ellos quienes tienen la responsabilidad de lo que ocurre en su país y cómo viven sus ciudadanos?
MY: Por supuesto que la tarea de los políticos y la labor de los gobiernos es ocuparse de sus ciudadanos. Si las políticas no se hacen bien, obviamente, son culpables. Pero a menudo, la maquinaria estatal es muy lenta y no es eficaz. Muchas veces ya es un avance que el Gobierno cree un entorno favorable y posibilite la acción de otros actores más eficaces.
FP: ¿Cómo encajan sus conceptos de “empresas sociales” y “bancos de los pobres” en el mundo capitalista de hoy?
MY: Nosotros seguimos los principios del capitalismo. Pero en el sistema actual hay un gran espacio que sigue sin ocuparse y es crear empresas para hacer el bien en vez de dinero. Y estamos intentando rellenar ese vacío creando instituciones que se encarguen de ello donde los pobres son los dueños. Esto no es habitual en la práctica, pero no hay ningún principio del capitalismo que diga que no puede hacerse, ni que los pobres no puedan ser propietarios de una empresa. Este proceso puede cambiar las vidas de mucha gente. Faltan estas ideas y también empresas sociales, que pueden entrar en el marco capitalista porque no violan ninguno de sus principios, que son la competencia y el libre mercado. En realidad, es una mejor forma de capitalismo, más abierto y real para la gente.

Mohamed Yunus (Bangladesh, 1940) es economista y creador de Grameen Bank, proyecto por el que recibió el premio Nobel de la Paz en 2006. Ha escrito varios libros en los que explica cómo la población más empobrecida también puede participar en el actual sistema capitalista: Es posible acabar con la pobreza (Editorial Complutense, Madrid, 2006), El banquero de los pobres: los microcréditos y la batalla contra la pobreza en el mundo (Paidós, Barcelona, 2007).

Sacado de:

http://www.fp-es.org/capitalismo-para-los-pobres-segun-yunus

"Paz si, mais non así"

No meu colexo andamos enlouquecidos estes días coa necesidade de preparar actividades para celebrar o ditoso día da paz na escola, cos rapaces. A fotocopiadora xa bota fume de tanto imprimir diferentes modelos de pombiñas da paz, de símbolos da paz, de fotos de Ghandi, de Luther King, de Nelson Mandela...

Tamén fixemos unhas árbores de cartón, cuxas follas levarán escritas sendas mensaxes de paz. Plantarémolas simbólicamente no patio do colexo o vindeiro venres, sesenta aniversario do asasinato de Ghandi, ao ritmo dunha canción de Antonio Flores, cantada pola irmá...

Así é como preparamos para ser uns adultos de paz ás novas xeracións, así que eu non tería moitas esperanzas, xa que, en xeral, con toda a cantidade de contidos que contempla o currículo oficial, á paz tócalle somentes un día ao ano. Por iso, fartos como estamos desta "carreira contra o tempo", por ver se somos capaces de dar os 17 temas de cada unha das materias nas tres avaliacións, e que ninguén se queixe -pais, consellería, compañeiros-, terse que pór agora a debuxar pombiñas con ramallos de oliveira no peteiro, é o que nos faltaba.

"Eu non son Obama"

Por fin Obama comezou a reinar!!! Xa me tardaba, máis que nada para poder ver como cambian de rumo as políticas do goberno norteamericano. Agardamos moitos escépticos -eu sono por natureza- por eses grandes cambios prometidos. Agardamos a ver como muda a situación de discriminación e pobreza dos negros norteamericanos, e dos latinos, que tamén votaron maioritariamente a Obama (quizais ven na súa cor algo "familiar", no que se ven reflexados). E conmovedor que aínda haxa pobos coma o dos Estados Unidos, tan puerís, que se emocionan ata as bágoas cos grandilocuentes discursos dos seus dirixentes; parece que se lles inche o peito ao oír as palabras máxicas!!! Por iso o discurso de toma de posesión de Obama inclúe todas as fórmulas que, xuntas, conxuran iso que se chama o "espíritu nacional" dos americanos. Realmente sinten que están chamados a ser os fachos do mundo, iluminadores do camiño da paz, da democracia, da igualdade... e realmente, nesa ensoñación mesiánica, síntense lexitimados para tratar de "convencer" ao resto de países do mundo de que o seu sistema é o único e o mellor.

Que paradoxo!!! Se todos tivesemos o nivel cultural medio dos votantes norteamericanos e o cerebro a metade de erosionado, entón si que nos emocionariamos co discurso de Obama; entón si que compartiriamos o seu xúbilo! Pero para iso habería que borrar a historia recente e mudar capítulos enteiros dos manuais universitarios de Historia Contemporánea: todos os referidos aos sanguentos golpes de estado militares do sur do continente americano, e tamén todos os referidos á violencia en Oriente Próximo, e ao ilexítimo intervencionismo político e económico para desestabilizar países de todos os continentes. Teriamos, igualmente, que borrar dun plumazo e para sempre a infame memoria do que supuxo e supón a ocupación militar a sangue e fogo de Afganistán e de Irak... En fin, teriamos que mudar a Historia, e iso é imposible.

Por iso, para nós, os que non cremos nin queremos ese modelo de Imperio nin ao seu emperador, tería que producirse un milagro histórico para que só a cor da pel dunha persoa merecese algo máis que un interese anecdótico.

"Abalábase a nena"

A nena sentaba na segunda escaleira das que ían á primeira pranta, onde estaban os cuartos. Apoiaba as costas contra a vella porta de madeira e balanceábase rítmicamente por espazo indeterminado de tempo, empurrando a porta cada vez e facendo que as ferraxes da pechadura emitisen un son de ferros que batían en ferros.

Outras veces, a nena tumbábase na cama do seu cuarto, coas pernas apoiadas no chan e abalábase ao son da música enxordecedora proveniente do vello radio-cassette. Pasaba horas neste estado de trance, liberador da súa mente infantil. Só así conseguía entrar no mundo da fantasía, ao que se adentraba deixando atrás o hoxe e agora.

"Éramos tan felices..."

Estes últimos días din en indagar sobre algúns dos que os autores chaman "escritores malditos". Concretamente, estou a falar dos tres irmáns Panero e de Eduardo Haro Ibars. Sobre o máis vello dos fillos de Haro Tecglen, estou a ler "Tras los Pasos del caído", do periodista de Tomiño J. Benito Fernández.

Esta minuciosa biografía de Eduardo (fillo) reconstrúe, a partir de testimonios proporcionados por todos aqueles que coñeceron ao polemiquísimo personaxe, a vida dunha persoa que dende a infancia dá mostras de grande talento intelectual e dunha capacidade indiscutible para a literatura, mais o tipo de vida que escolle ( ou ao que se ve empuxado) é tan autodestructivo que impide que cristalice nunha obra ampla, acabada e completa. Eduardo, a quen algúns apodaron "o poeta da Movida", morre aos corenta anos a causa da SIDA. Sobre o libro de J. Benito Fernández, diría que ten doble valor: o de contar os acontecementos, persoas e lugares que foron marcando a vida do biografiado, e o de acompañar as súas vivencias con descricións pormenorizadas da sociedade española da época que lle tocou vivir a Eduardo.

O mesmo biógrafo de Eduardo Haro Ibars, ten escrito un libro sobre Leopoldo Mª Panero, segundo dos tres fillos de Leopoldo Panero: "El Contorno del Abismo". Trátase, igualmente, dunha biografía sobre o que algúns autores chaman "o mellor poeta español vivo". Leopoldo Mª, adicouse de por vida á literatura, igual que os seus irmáns. Actualmente, e prácticamente dende a súa adolescencia, vive nun centro psiquiátrico. Hai unha película de Jaime Chávarri onde os tres irmáns, xunto coa súa nai, falan do pai xa falecido e das relacións familiares dos Panero: "El Desencanto". Maxistralmente rodado, o filme vai deixando entrever as personalidades de cada un dos irmáns Panero (Juan Luís, Leopoldo Mª e Michi) e da súa nai, xa viúva do grande escritor, Felicidad Blanch. Podédelo visualizar aquí :http://video.google.es/videosearch?hl=es&q=despues%20de%20tantos%20a%C3%B1os%20ricardo%20franco&um=1&ie=UTF-8&sa=N&tab=wv#q=el%20desencanto&hl=es&emb=0

Máis tarde, Ricardo Franco rodaría "Después de tantos Años", como epílogo de "El Desencanto". Podédela ver en http://video.google.es/videosearch?hl=es&q=ricardo%20franco%20tantos%20a%C3%B1os%20despues&um=1&ie=UTF-8&sa=N&tab=wv# e nela aparecen os tres Panero á altura do 1994, distanciados e atravesando por sendas etapas de decadencia, física e mental. Analisan as súas relacións (ausencia de) e os seus sentimentos ao respecto.

Leopoldo Mª Panero e Eduardo Haro Ivars eran contemporáneos e tiveron unhas relacións turbulentas a tódolos niveis, e, anque a súa obra é radicalmente diferente, as súas vidas víronse dalgunha maneira "malditas" ou "maldecidas", como dicía Eduardo.
Cando se contemplan vidas coma as de todos estos personaxes un non pode menos que prantexarse unha das grandes clásicas cuestións: a razón e a finalidade de vivirmos.

"A nena que quería gañar as eleccións"

Ven a min aquela nena solitaria que xogaba a ser candidata e facía campañas, con mítins e pegada de cartaces que incluían a petición de voto, "Vota E.T.". rezaban, escrito o lema co azul do boli Bic sobre a cortiza do loureiro no que finalmente quedarían cravados cos cravos roubados ao pai. Agradecía, con grande entusiasmo, a asistencia ós seus mítins por parte da xente, que resultaba ser os cueiros das coles da horta, altos e esbeltos, que sempre tiñan algunha folla baixa, perfecta para un forte apretón agradecido de mans. O ar abaneaba as follas enormes dos posibles votantes, e a nena entón escoitaba aplausos enfervorizados, e sentíase importante, poderosa, querida. A nena prometía cambios e a horta enteira aplaudía rabiosamente. Eran os tempos da chamada "Transición" neste país, e dela falábase ata no último e máis perdido recuncho do país. A nena comprendeu xa entón a erótica e a mecánica do poder.

Hoxe non fai campaña.

"En la infancia vivimos y después sobrevivimos" (Leopoldo Mª Panero)

"Crónicas oníricas: nubes de caramelo e entrañas"

A opresión do mundo ao seu redor acentuábase cando miraba ao ceo. A nena movíase con rapidez naquel mundo frío ao que fora parida e raramente permanecía moito tempo en campo aberto. Non contaba con moitos aliados: tan só os cans e os gatos vagabundos parecían tolerar e mesmo aceptar a súa presencia. A friaxe do vento e da chuvia eran o único permanente, a única seguridade: mesmo acompañaban as horas do tempo entrecortado de sono que se podía permitir. A procura do calor e do acubillo fronte á lacerante friaxe da auga era o obxectivos de cada un dos seus miserables días.

O outro obxectivo era a simple supervivencia. A nena aventurábase fóra dos seus refuxios á procura de comida, tratando de non mirar ao ceo, anque eran moitas as ocasións en que non era quen de fuxir da tentación e entón ficaba prendida da imaxe debuxada na nube: o preciosismo dos caramelos e das piruletas, das boliñas de chocolate negro e branco, dos froitos secos garrapiñados, cautivaba os seus ollos soñadores e puña o doce do azucre na súa boca, cuxa lingua nadaba en saliba. De repente, aquela imaxe marabillosa tornábase no espanto das vísceras quentes e fumeantes, que se retorcían ensanguentadas e pestilentes onde antes estiveran os luxuriosos chuches. Correr, entón, xa non era dabondo para librarse dun ataque seguro, proveniente da mesma nube, que, disposta a aniquilar, a destruír, a matar, precipitábase ao chan en forma de avalancha de neve branca. Correr, entón, na dirección equivocada, supuña correr cara á morte segura. A nena sabía que naquel mundo hostil en guerra permanente, máis importante era correr na dirección axeitada. Por iso, inmóbil e horrorizada, aguantaba aínda uns segundos máis vixiando a horrenda imaxe para predecir o lugar aproximado sobre o que se precipitaría, asasina.

Por iso tiña pensamentos de eufórica victoria cada día que pasaba sen sucumbir á tentación de mirar ao ceo. Era un día máis de vida. Se só conseguise fuxir daquela sensación de frío...

"Sión imita a Hitler"

29/12/2008
Cuando se agotan las palabras retóricas de paz, llega la tormenta de sangre y fuego a arrasar la razón. Y cuando los vengadores de Jehová ejercen su labor en el campo de sacrificio militar, en el suelo quedan esparcidos, en trágico racimo, los constantes muertos civiles. Las bombas no saben distinguir y los que las arrojan tampoco quieren hacerlo. Quienes ordenan la lluvia de azufre prefieren la sangre caliente de la conmoción. El golpe mortal de la represalia: quinientos ojos palestinos por cada ojo israelita es la escala sionista de la ley del Talión. La disputa electoral por el poder en Israel está en las manos de los rabinos más rabiosos. En busca de esos apoyos ultraortodoxos, los candidatos a las elecciones de Febrero se disputan los méritos de una solución final en Gaza. Una vez más, nada tiene de extraño lo que está pasando en estos momentos se Palestina. Desde el mismo momento de su fundación como Estado, los sionistas israelíes han adoptado y luego profundizado la doble condición de víctimas/verdugos. Aunque pueda parecer un delirio mayúsculo, lo cierto es que, entre los líderes políticos judíos en activo, hay quienes no disimulan su abierta admiración hacia Adolfo Hitler y la eficacía de sus métodos. El progrom no está tan mal si es al árabe a quien se aplica. Así pues, los hijos de Sión se aplican al exterminio programado de vidas civiles, mientras siguen reclamándole al mundo un vínculo incondicional y eterno con la Memoria de su holocausto. Aún y cuando ese victimismo haya derivado en simple y muy rentable coartada, para robar territorios y masacrar a sus habitantes.

Patxi Ibarrondo

http://www.patxibarrondo.com/textos/?id=108

"Lorca está vivo"
No me gustan los cadáveres: mi culto a los muertos es mental. Las izquierdas, digo siempre -lo sé-son espirituales, como las derechas materiales. Ellos les meten en mausoleos gigantescos y les hacen monumentos que se van quedando grotescos; nosotros dejamos que sigan entrando en nuestra vidas: y hasta en las de ellos. El esqueleto anónimo de cráneo horadado por el balazo es otra cosa: sale ahora de su tumba como testigo de que eran criminales los que vencieron y se fingieron santos y van a los altares, recuperan la verdad, la historia: denuncian. Estuve en Cangas del Morrazo: entre una bandera de la CNT, otra de la República, echaron al agua once ramos de flores por los asesinados en ese día en el año trágico de 1936; tome una mano, un brazo, miré unos ojos y me sentí vivo con algo de la muerte de ellos, de lo que estaban haciendo en vida para los que les seguimos. Cantaron el himno gallego, me quedé sin cantar "A las barricadas": a veces lo canturreo solo, otras pongo un disco.
Lo pienso otra vez con las noticias de Lorca. Yo no querría que le desenterraran. El barranco de Viznar es ya un nombre histórico: un monumento. No es un cuerpo que tiene que acusar, con el del maestro y los dos jóvenes anarquistas a los que mataron con él: es la impregnación de Lorca que hay en España, el espíritu que se ha expandido entre nosotros a pesar de los cuarenta años del peor de los asesinatos, el de la cultura. "La casa de Bernarda Alba" no está alli; es libre y es una metáfora que grita contra la opresión, contra la dictadura de una sola persona; y es una defensa de la mujer castigada por serlo, esterilizada, encerrada. No está enterrada allí Marianita Pineda, que bordaba y preparaba la bandera republicana, como siglos mas tarde hacía mi madre en las noches de la monarquía. El romance de la asesinada vive, como el de Fermín Galán, fusilado en un monte de Huesca, está en la obra que le dedicó Alberti..
Lo que encuentren los historiadores en esos restos puede ser útil para datos. Está bien: pero ya los asesinos han muerto en sus camas de una vejez sin arrepentimientos y sin conciencia. Y si siguieran vivos, no pediría yo que les tocaran ni el pelo de la ropa: que se sepa quienes son asesinos y quienes no. (Ah, lo dije en Galicia y una señora se sublevó, y pronunció el nombre de Fraga, y se marcho. "Es que ha sufrido demasiado con la represión"·, me dijo alguien. Cómo no lo voy a entender).

Por Eduardo Haro Tecglen en Visto/Oído el Martes 14 de Abril de 2003

http://www.eduardoharotecglen.net/blog/archives/1931/04/lorca_esta_vivo.html

"No me quitte pas"

Para EHT.

"A vida vaise nun camión"

A medida que cada animal era arrastrado cara á rampa do camión, ía desaparecendo o único mundo que coñecera, o seu modo de vida, tan íntimamente relacionado con aqueles animais, que os destinos duns e da outra parecían ser os mesmos. Os aterrorizados e temblorosos animais opuñan toda a súa resistencia, e só retorcéndolles o rabo e aguilloándoos na coxa coas baras, eran quen aqueles homes de facerlles subir aos camións. Unha tras outra, cada vaca presentaba a súa particular batalla, pero o resultado era sempre o mesmo, para satisfacción do xateiro, que estaba a punto de se facer con todos os animais a prezo de saldo, debido á desgraza da familia.

A Muller non vía a escena, mais imaginaba cada un dos detalles. Permanecía sentada no sillón da cociña, en completo silencio e inmóbil, coa cabeza fundida entre as súas mans e a cara quebrada pola desesperación. Os bruídos dos animais penetraban ata o máis fondo do cerebro e da alma daquela Muller que vía como en menos de media hora perdía todo o patrimonio dunha vida de sacrificio: de erguerse de madrugada e traballar sen descanso día tras día, semana tras semana e mes tras mes de longos anos de traballo para sacar adiante ás súas fillas.

A enfermidade presentárase no momento de maior harmonía, no de maior benestar familiar. A enfermidade, a mesma que acabaría coa súa vida, sorprendeuna no momento máis inoportuno e inesperado. Á súa idade, aínda era unha muller nova: a vida ben lle podería ofrecer a satisfacción de ver consolidarse a vida de adulta da filla máis pequena, e o gusto de ver medrar ós seus netos. A vida, ás veces, amósasenos coma unha prostituta demasiado cara e con face cruel e burlona.

Non ficou máis cá angustia de se ter que ir, e se cadra, algún pensamento de alivio, que momentaneamente fixo de bálsamo para a ferida aberta.

Poucas veces asistín a un bocado de realidade tan amargo coma o dalquel día en que a miña nai tivo que ver como marchaban cara ao matadoiro cada un dos seus animais, criados e atendidos co máis exquisito dos coidados. E poucas veces quixen volver lembrar aquel momento. Hoxe acordei revivíndoo.

"Marabilloso Gerés"

A zona do Castro Laboreiro e as súas serras son o hábitat orixinal do "cao de Castro Laboreiro", unha antiquísima raza autóctona que se conservou aquí cunha grande pureza de sangue ata tempos moi recentes. Trátase dun can de garda de rabaño, tipo mastín, de cor lobeira, e que se reproduciu libremente, por selección natural, ata dar como resultado unha raza única en todo o mundo. Com curiosidade, comentar que cando este can bebe auga nono fai a lambetazos, coma os outros cans, senón que a sorbe. Polo visto esta característica é común cos lobos. Agora está en perigo de extinción pero alí aínda se poden ver exemplares soltos.

As fincas de escasísima extensión, cultivadas a miúdo en forma de terraza, locen o verde da herba natural, non fertilizada artificialmente nin producida de maneira intensiva. É un verde máis apagado, máis suave. As paredes delimitan cada unha das fincas.

A "barrosa" é a raza de vaca autóctona. Vai libremente polos camiños e mesmo polo medio das vilas e aldeas.

Dende Soajo á vila de Peneda a viaxe sorprende máis dunha vez a quen non agarda atopar tantas aldeíñas nesta zona, tantas vacas barrosas -ou cachenas, eu nonas distingo- pacendo ó seu libre albedrío, tantas correntes de auga, e tantos bosques autóctonos.

Soajo é un tesouro escondido entre as montañas: trátase dunha vila fermosísima, cos camiños pavimentados, que dan testigo do que noutrora foi Concello. Soajo está espléndidamente conservado e reúne todas as características do lugar ideal para ir pasar uns días de tranquilidade nunha das súas casiñas de turismo rural. É famoso o seu "pelourinho", esa sorte de cruceiro que se atopa na praza.

En Lindoso atópase un grupo espectacular de "espigueiros" comunitario, que reúne a uns 50 exemplares, perto do seu histórico castelo. O conxunto impresiona polo inesperado do achado. Un está afeito a ver hórreos, pero non nestas concentracións... De todos os xeitos, o de Lindoso, xunto co de Soajo, é un exemplo único en todo Portugal.

As rochas núas, tras séculos de acción erosiva do vento, da neve, da chuvia, das xeadas, presentan caprichosas formas coma a da águia da foto.

Dende o Castro Laboreiro en dirección á fronteira da Ameixoeira, que permite o paso a Entrimo, concello ourensán, a paisaxe preséntase dramática, agreste, arrebatadora.

A Nosa Senhora da Peneda érguese maxestuosa nun lugar de impresionante beleza á beira da Serra da Peneda. A carón dela hai un hotel de tres estrelas.

No parque natural a auga está presente por todas partes: hai abundancia de fervenzas, de fontes, de ríos, de lagoas, etc. Esta fervenza atópase xunto á igrexa de Nosa Señora da Peneda, no lugar da Peneda, igrexa que lembra moito á do Bom Xesús, de Braga.

"Un ano dende esta beira"

Neste mes de xaneiro o meu blogue e máis eu cumprimos un ano na rede, escribindo apenas para min mesma, pero tamén para aqueles que dalgún xeito viñeron parar aquí, ás veces por puro azar e ás veces, supoño, á procura deste meu xeito de ver as cousas.

Este espazo que aquí criei éme imprescindible, e moi a miúdo sorpréndome escribindo mentalmente as miñas entradas no blogue. Funciona ás veces como unha sorte de arquivo escrito do bocadiño de realidade que me tocou vivir, e outras simplemente coma o lugar no que realizar algunha que outra pirueta intelectual coa linguaxe escrita. Sexa como for, este blogue xa me é moi querido.

Para os seus posibles visitantes, simplemente deixo saúdos. Nesta rede de redes, de camiños que se entrecruzan unha e outra vez, imos coincidindo inevitablemente e enriquecéndonos mutuamente, así que ogallá este blogue contribúa algunha vez a enriquecer, anque sexa mínimamente a alguén.

Dende a outra beira, a constancia da miña existencia.

"Investir en plástico"

O da imaxe é unha das criaturas pertencentes a unha simpática colección de animalciños que se vende a tres euros a unidade. Tendo en conta que este minino cabezón non pasa dos dez centímetros de altura, que é de plástico e que non trae ningún extra a maiores dun pequeno imán xusto onde debería ter o final do intestino, pódese dicir que se trata dun brinquedo de luxo. Se viñer acompañado dalgún accesorio, e estou a pensar nun pequeno peite de medio centímetro de longo, mango incluído, ou dunha cunquiña para lle pór o leite, ou dun colarciño de brillantes, entón o prezo xa sobe ós dez euros. E é que a cada un destes onerosos personaxes correspóndelles por dereito algún accesorio que conforma o seu axuar particular. Hai que saber que existe un catálogo desplegábel no que se describen todas os complementos que lle corresponden a cada un, así como tamén se amosan as distintas casas, ximnasios, clubes sociais, consultorios veterinarios, etc postos ao servizo do benestar dos animalciños. Ninguén poderá, por tanto, alegar ignorancia se deixar a algún destes animais de estimación sen algunha das súas lexítimas pertenzas. Nun mundo xusto, igualitario, cada unha destas mascotiñas debe contar con todos os medios posibles, así que todos os esforzos por dotar a cadaquén de cadansúa pertenza, son encomiables.

Así vamos dotando á "comunidade" de medios e recursos, sen deixar a ninguén, con cobertura universal. A este paso seremos posuidores dunha pequena fortuna invertida en plástico, que, quen sabe, ao mellor unha vez fundido nos pode sacar dun apuro...