"O Cura de Vedra"

Non me estranaría nada encontrar nesta fotografía a Armindo Iglesias, o cura de Vedra. Parece ser que bota de menos os tempos pasados. Incomódalle a existencia do que el denomea "dialecto local" en referencia á miña lingua, a lingua galega, afirmando que "es una gran incomodidad que hay que soportar". Bota de menos os tempos nos que no Seminario estaba prohibido o uso do galego. Ao mesmo tempo asegura gardarlle "cariño a la lengua que hablaron mis padres y yo mismo hablé y sigo utilizando, pero también mis padres usaron el arado romano y el carro de bueyes".

Tamén nos explica a súa idea de nación, pondo en relación o seu rexeitamento ao "dialecto local" co seu ideario político:"nación es toda España y no solamente un remiendo".

Polo menos este señor é sinceiro. O que non sabemos é a que porcentaxe dos seus "colegas de profesión" representan as súas ideas, que manda aos seus feligreses por escrito periódicamente.

Pregúntome cal será a opinión dos habitantes de Vedra, que infelizmente para este cura, teñen a lingua galega como lingua materna e maioritaria.

Un caso máis para ilustrar a miña teoría sobre a esquizofrenia lingüística que padece este país.